Kompanitë e shumta të transportit dhe depozitimit të naftës në të gjithë Europën janw aktualisht nw qendwr tw sulmeve kibernetike. Sistemet e IT-së janë ndërprerë në Oiltanking në Gjermani, SEA-Invest në Belgjikë dhe Evos në Holandë.
Në total, dhjetëra terminale me magazinim dhe transport nafte në mbarë botën janë prekur, ndwrsa wshtw raportuar nga firmat se sulmet ndodhën gjatë fundjavës. Por ekspertët paralajmërojnë të mos supozohet se ky është një sulm i koordinuar. Sistemet e IT të të tre kompanive ranë ose u ndërprenë rëndë.
Prokurorët belgë thonë se po hetojnë sulmin kibernetik që ka prekur terminalet e SEA-Invest, përfshirë më të madhin e kompanisë në Antwerp, të quajtur SEA-Tank. Një zëdhënëse e kompanisë tha se ata u goditën të dielën me çdo port që ata drejtojnë në Europë dhe Afrikë të prekur.
Kompania po punon për të marrë një sistem IT rezervë në internet, por thotë se shumica e transportit të lëngjeve është funksionale. Zëdhënësja tha se SEA-Invest është në dijeni të sulmeve kibernetike kundër kompanive të tjera, por hetimet nuk kanë përcaktuar nëse ka një lidhje.
Një zëdhënës i Evos në Holandë tha se shërbimet e IT në terminalet në Terneuzen, Ghent dhe Maltë “kanë shkaktuar disa vonesa në ekzekutim”. Ndërprerja vjen pasi tensionet mbeten të larta midis Ukrainës dhe Rusisë dhe ndërsa shqetësimi për rritjen e çmimeve të energjisë rritet.
Por ekspertët e sigurisë kibernetike paralajmërojnë kundër nxitimit në përfundimin se incidentet e shumta janë rezultat i një përpjekjeje të koordinuar për të prishur sektorin europian të energjisë. Një shpjegim tjetër i mundshëm mund të jetë se të gjitha kompanitë përdorin të njëjtin softuer për operacione që mund të jenë komprometuar nga hakerat. BBC
Edel Strazimiri / SCAN
