Nga BE-ja thonë se Kurti dhe Vuçiq janë të gatshëm për rezultate në dialog

0
57

Zëdhënësi i Bashkimit Evropian Peter Stano, ka deklaruar se në Bruksel po punohet për agjendën dhe rezultatet e mundshme të takimit të radhës në kuadër të dialogut ndërmjet Kosovës dhe Serbisë.

Ai tha se parakusht për një raund të ri bisedimesh është gatishmëria e të dyja palëve për të rënë dakord mbi zhvillimet konkrete pozitive.

Stano theksoi se si të dyja palët kanë treguar gatishmëri për përparim në dialog, por “më ngadalë nga sa duan BE-ja dhe SHBA-ja”.

“E mirëpresim gatishmërinë e presidentit Vuçiq dhe kryeministrit Kurti për të ardhur në Bruksel për raundin e ardhshëm të dialogut politik të nivelit të lartë. BE-ja është e gatshme ta organizojë një takim të tillë sapo palët të tregojnë gatishmëri për të rënë dakord për rezultate konkrete pozitive që do të sjellin përfitime për qytetarët dhe do ta nisin procesin përpara”, tha Stano.

I pyetur nëse Përfaqësuesi Special i BE-së Miroslav Lajçak u kthye nga vizitat në Prishtinë dhe Beograd me përgjigje konkrete dhe informacione të nevojshme për ta vazhduar procesin e bisedimeve, Stano tha se të dyja palët treguan përkushtim për dialog gjatë takimit me Lajçak dhe të dërguarin e SHBA-së, Gabriel Escobar. Ai tha për mediat serbe se palët shfaqën përkushtimin e tyre për të ecur përpara në këtë proces.

Zëdhënësi i BE-së shtoi se për organizimin e një raundi të ri të dialogut midis Kosovës dhe Serbisë po punohen me planifikimin e bisedimeve në nivelin e negociatorëve kryesorë, si dhe në nivelin e liderëve.

LEAVE A REPLY

Please enter your comment!
Please enter your name here