Mali i Zi, nisin trazirat: Partitë pro-serbe nxjerrin njerëzit në rrugë

0
71

Trazirat nuk vonuan të shfaqen në Malin e Zi, ku mbështetës të njërës prej partive të shumicës së mëparshme qeverisëse në Mal të Zi, dolën në rrugë me kërkesën për zgjedhje të parakohshme parlamentare.

Me sloganin “Mbrojtja e vullnetit elektoral të qytetarëve”, protesta u drejtua nga zyrtarët e Partisë Mali i Zi Demokratik, e u mbështet edhe nga deputetët dhe zyrtarët e Frontit Demokratik pro-serb.

Tubuesit shprehen po ashtu pakënaqësi për formimin e mundshëm të një qeverie të pakicës, që është propozuar nga ish-partneri i tyre politik, Dritan Abazovic, kryetar i Lëvizjes Qytetare URA.

Demokratët, Fronti Demokratik dhe URA e krijuan së bashku koalicionin qeverisës pas zgjedhjeve të mbajtura në 2020.

Në protestën e 9 shkurtit morën pjesë disa mijëra qytetarë dhe aktivistë të subjekteve politike, të cilët mbajtën flamuj shtetërorë dhe pankarta ku u bëhej thirrje qytetarëve që t’i rezistojnë “vjedhjes së vullnetit elektoral”.

“Njerëz, përgatituni për zgjedhje. Le t’ia kthejmë mandatin popullit dhe ta lëmë popullin të vendosë se cila do të jetë e ardhmja”, deklaroi kryetari i Demokratëve, Aleksa Beçiç, i cili në 7 shkurt u shkarkua nga posti i kreut të Kuvendit.

Ai terhoqi vëmendjen se një qeveri e re e mundshme do të varet nga vullneti i Partisë Demokratike të Socialistëve, DPS te presidentit të Malit të Zi, Millo Gjukanoviç, ndërsa e kritikoi Abazoviçin se duke thënë se synon që ta formojë ekzekutivin e ri pikërisht me mbështetjen e Gjukanoviçit, partinë e të cilit e ka akuzuar për korrupsion dhe krim të organizuar.

LEAVE A REPLY

Please enter your comment!
Please enter your name here