Bujar Osmani: Zgjerimi në BE është edhe çështje sigurie, japim mbështetje për Ukrainën

0
59

Ministri i Punëve të Jashtme, Bujar Osmani i cili merr pjesë në mbledhjen e jashtëzakonshme ministrore të NATO-s, para fillimit të mbledhjes shprehu përkrahjen e Maqedonisë së Veriut për Ukrainën.

Mesazhi i dytë i ministrit Osmani ishte që zgjerimi i BE-së është çështje vitale duke pasur parasysh sulmet ruse në lindje, përcjell Telegrafi Maqedoni.

“Bashkimi Evropian duhet ta përshpejtojë zgjerimin drejt lindjes”, tha Osmani duke shtuar se kjo krizë dëshmoi se politika e zgjerimit është çështje sigurie.

I pyetur për aspiratat e Ukrainës që të jetë anëtare e NATO-s, ministri Osmani theksoi se pikërisht politika e dyerve të hapura në NATO do të thotë stabilitet.

“Në Ballkanin Perëndimor, anëtarësimi në NATO ishte vendimi më i rëndësishme që e stabilizoi Ballkanin”, tha Osmani duke shtuar se Ukraina nuk është e vetme./Telegrafi/

LEAVE A REPLY

Please enter your comment!
Please enter your name here