Xhaferi paralajmëron debat të gjatë për ndryshimet në Kodin Zgjedhor

0
42

Ndryshimi i Kodit Zgjedhor për vendosjen e një njësia të vetme përmes diskutimit publik nuk do të jetë një proces i shpejtë, tha kryeparlamentari Talat Xhaferi, përcjell FLAKA.

Përkundër faktit se shumica dërrmuese e deputetëve janë pro një njësie zgjedhore dhe Lista Zgjedhore deri më tani është ndryshuar pa pëlqimin e të gjitha partive, Xhaferi thotë se këto ndryshime do të kërkojnë ende konsensus.

“Konsensusi duhet sepse bëhet fjalë për ndryshim të modelit zgjedhor dhe në rrethana të tilla është futur modeli aktual zgjedhor me një konsensus të përgjithshëm”, ka komentuar Xhaferi.

Duke iu referuar Rregullores, ai sqaroi se konkluzioni i Komisionit për Sistemin Politik për organizimin e diskutimit publik për një njësi zgjedhore duhet të konfirmohet në seancë plenare.

Më pas, trupi kryesor punues duhet të shpallë ndryshimet në Kodin Zgjedhor në median e shkruar së bashku me një afat brenda të cilit ekspertët, partitë apo organizatat joqeveritare do të paraqesin mendimet dhe propozimet e tyre. Ky afat, sipas Xhaferit, është rreth 30 ditë.

Në fund, në përputhje me këto propozime, bëhet një raport dhe propozohen ndryshime në mënyrë që ato të kalojnë në votim përfundimtar para deputetëve.

Parlamenti ndërkohë ka një axhendë të ngjeshur.

Sot ishin tre seanca parlamentare para deputetëve. Një situatë e ngjashme ishte edhe dje. Këto janë seancat që kanë filluar në korrik të vitit të kaluar dhe sipas kryeparlamentarit Talat Xhaferi, kjo është për shkak të mungesës së kujdesit të komisioneve parlamentare.

Derisa deputetët janë duke punuar në seancat e prapambetura, VMRO-DPMNE opozitare kërkon që të caktohet seancë e re për propozimet e tyre për uljen e akcizës. FLAKA

LEAVE A REPLY

Please enter your comment!
Please enter your name here