Ukraina njoftoi se një anije luftarakeruse ishte goditur nga raketat Neptun të prodhuara në Ukrainë.
Këshilltari presidencial ukrainas Oleksiy Arestovych tha se ekipet ruse të shpëtimit nuk qenë në gjendje të shkonin tek anija, e cila mund të kishte deri në 510 anëtarë të ekuipazhit në bord.
Osmani viziton Komunën e Mitrovicës
“Është konfirmuar se kryqëzori raketave, Moskva vajti sot, pikërisht aty ku e dërguan rojet tona kufitare në ishullin Snake!” – shkroi guvernatori rajonal i Odesa, Maksym Marchenko, në postimin e tij në Telegram.
Ai i referohej një incidenti që thuhet se ka ndodhur në ditën e parë të pushtimit rus më 24 shkurt.
Kryqëzori Moskva atëherë iu afrua ishullit Snake të Ukrainës, një dalje shkëmbore në Detin e Zi, duke kërkuar që një garnizon i vogël i rojeve kufitare të dorëzohej menjëherë.
Por rojet kufitare refuzuan ta bëjnë këtë, madje njëri prej tyre i tha anijes luftarake: “Vafsh në ferr!”
Zyrtarët ukrainas fillimisht thanë se të gjithë rojet kufitare vdiqën – por më vonë raportet thanë se ata u kapën në Krimenë e aneksuar nga Rusia.
Incidenti që atëherë është bërë një meme e famshme e luftës në Ukrainë.
Çfarë dihet për kryqëzorin rus të dëmtuar?
Kryqëzori i raketave Moskva u ndërtua në fillim të viteve 1980 në atë që atëherë ishte Bashkimi Sovjetik.
Ai është ndërtuar në fakt në qytetin jugor të Ukrainës, Mykolaiv, i cili është bombarduar rregullisht ditët e fundit nga trupat ruse.
Anija 186 metra e gjatë ishte anija kryesore e Projektit të marinës sovjetike Atlant 1164. Fillimisht u quajt Slava, por më vonë u quajt Moskva (Moskë).
Armatimi kryesor i anijes luftarake janë raketat kundëranije P-1000 Vulkan.
Kryqëzori – i cili u bë flamuri i Flotës së Detit të Zi në 2000 – luajti një rol kyç gjatë fushatës ushtarake të Rusisë në Siri, e cila filloi në 2015.
