166 tifozët që e përcollën Romën në acarin norvegjez kur skuadra pësoi humbje turpëruese do të shpërblehen me bileta të finales

0
47

Ishte nata e 21 tetorit, kur tifozët e Romës ishin aq të zhgënjyer me humbjen 6-1 ndaj Bodo Glimt sa që nuk pranuan të merrnin fanellat e lojtarëve, duke nisur nga ajo e kapitenit Lorenzo Pellegrini pas ndeshjes.

Në atë kohë ishin 166 tifozët që kishin udhëtuar për në Norvegji dhe ata po të njëjtit do të shpërblehen me bileta për finalen e Ligës së Konferencës që mbahet në Tiranë.

Giallorossi u kualifikua në finalen e parë evropiane pas 31 vitesh, duke mposhtur Leicesterin me rezultat të përgjithshëm 2-1, ndërsa me 25 maj do të takohen me Feyenoordin në Tiranë, ku do të luajnë për trofeun e parë që nga viti 2008.

Klubi ka njoftuar se ndeshjen e acarit norvegjez e kishin ndjekur 166 tifozë të Romës dhe klubi i ka shpërblyer të gjithë me një biletë për finalen e Tiranës.

“Klubi ka vendosur të shpërblejë 166 tifozët e pranishëm në ndeshjen e 21/10/2021 në sektorin e mysafirëve të stadiumit Aspmyra. Për këta tifozë, klubi do të garantojë biletën”.

“Lista e atyre që kanë të drejtë është hartuar bazuar në raportet e shitjeve të ofruara nga FK Bodo/Glimt. Prandaj, kodi do të dërgohet deri më 7 maj në adresën e emailit të përdorur për blerjen e biletës në portalin e biletave Bodo”, thuhet në njoftimin e klubit.

Një gjest i bukur i Romës që me Jose Mourinhon kërkojnë ta rikthejnë klubi në majat e futbollit italian. /Telegrafi/

LEAVE A REPLY

Please enter your comment!
Please enter your name here