Deklarata e Johnny Depp pasi e fitoi gjyqin ndaj ish-gruas Amber Heard

0
63

Johnny Depp nuk ishte i pranishëm në Gjykatën e Qarkut në Fairfax të Virginias të mërkurën kur u lexua aktvendimi që e shpalli atë fitues të gjyqit kundër ish-bashkëshortes së tij, Amber Heard.

Aktori kishte kërkuar 50 milionë dollarë dëmshpërblim në padinë e tij për shpifje lidhur me një artikull të publikuar nga aktorja në Ëashington Post në vitin 2018, ku thoshte se ka qenë viktimë e dhunës në familje.

Me këtë rast, edhe aktorja ngriti kundërpadi ndaj ish-burrit të saj duke kërkuar dëmshpërblim prej 100 milionë dollarësh dhe pas gjashtë javësh, Depp e fitoi gjyqin dhe me këtë rast ka lëshuar një deklaratë:


Para gjashtë vitesh, jeta ime, jeta e fëmijëve të mi, jeta e njerëzve më të afërt me mua, dhe gjithashtu, jeta e njerëzve që për shumë e shumë vite më kanë mbështetur dhe besuar në mua, ndryshuan përgjithmonë.

Gjithçka sa hap e mbyll sytë.

Akuza të rreme, shumë të rënda dhe kriminale u ngritën ndaj meje përmes mediave, të cilat shkaktuan një breshëri të pafund përmbajtjesh urrejtjeje, megjithëse kundër meje nuk u ngrit asnjë padi. Tashmë kishte udhëtuar dy herë nëpër botë brenda një nanosekondi dhe kishte një ndikim sizmik në jetën dhe karrierën time”.

Amber Heard pas vendimit (Foto: Reuters)

Dhe gjashtë vjet më vonë, juria ma ktheu jetën. Unë jam vërtet i përulur.

Vendimi im për të ndjekur këtë çështje, duke ditur shumë mirë lartësinë e pengesave ligjore me të cilat do të përballesha dhe spektaklin e pashmangshëm mbarëbotëror në jetën time, u mor vetëm pas një mendimi të konsiderueshëm.

Që në fillim, qëllimi i sjelljes së këtij rasti ishte zbulimi i të vërtetës, pavarësisht nga përfundimi. Të them të vërtetën ishte diçka që ua detyroja fëmijëve të mi dhe të gjithë atyre që kanë qëndruar të palëkundur në mbështetjen e tyre për mua. Ndihem i qetë duke e ditur që më në fund e kam arritur këtë.

Jam dhe kam qenë i pushtuar nga shfaqja e dashurisë dhe mbështetja dhe mirësia kolosale nga e gjithë bota. Shpresoj që kërkimi im për të thënë të vërtetën do t’i ketë ndihmuar të tjerët, burra apo gra, të cilët janë gjetur në situatën time dhe që ata që i mbështesin të mos dorëzohen kurrë. Shpresoj gjithashtu që pozita tash të kthehet në të pafajshëm derisa të provohet fajësia, si brenda gjykatave ashtu edhe në media.

Dëshiroj të falënderoj punën fisnike të gjykatësit, anëtarëve të jurisë, stafit të gjykatës dhe sherifëve që kanë sakrifikuar kohën e tyre për të arritur në këtë pikë, dhe ekipit tim të zellshëm dhe të palëkundur ligjor që bëri një punë të jashtëzakonshme duke më ndihmuar të tregohej e vërteta.

Fansat e mbledhur jashtë gjykatës (Foto: AFP/Getty)

Më e mira nuk ka ardhur ende dhe një kapitull i ri më në fund ka filluar.

Veritas numquam perit.

E vërteta nuk humbet kurrë.


/Telegrafi/

LEAVE A REPLY

Please enter your comment!
Please enter your name here