Kapiteni i anijes në Florida, këput kabllon në aksidentin me parashutë ku një grua e humbi jetën

0
51

Vendimi i kapitenit të një anijeje në Florida që ta këpus kabllon e një parashute, vendim ky i cili thuhet se ka qenë kyç në aksidentin gjatë Ditës së Përkujtimeve, ku mbeti e vdekur një grua e re nga Illinois, bëri të ditur një ekspert për gazetën Miami Herald.

Supraja Alaparthi 33 vjeçare, në momentin kritik ishte me djalin dhe nipin e saj në parashutën e cila po tërhiqej nga anija, kur filloi të frynte një erë e madhe e cila filloi ta tërhiqte parashutën, thanë nga policia.

Sipas disa zyrtarëve  në momentin e incidentit kapiteni 49 vjeçar i anijes Daniel Couch, kishte frikë se parashuta e cila po tërhiqej nga era mund ta merrte anijen e tij me vete dhe të rrezikonte edhe ekuipazhin e tij por edhe familjen e cila ndodhej në parashutë, transmeton Telegrafi.

Couch e këputi kabllon e cila ishte e lidhur në anijen e tij, duke bërë që parashuta t’i merrte me vete Alaparthin dhe fëmijët mbi sipërfaqen e ujit për më shumë se një kilometër.

Një burim i tha gazetës se Couch shpresonte që pasi e këputi kabllon të afrohej dhe t’i merrte përsëri në anije, dhe ti kthente në breg familjen e cila ishte në parashutë.

Por që Alaparthi dhe fëmijët që ishin me të u përplasën në urën Old Seven Mile Bridge, ku si pasoj Alaparthi mbeti e vdekur në vend, e nipi i saj pësoi lëndime të rënda. /Telegrafi/

LEAVE A REPLY

Please enter your comment!
Please enter your name here