Goli i tij i fundit daton më 19 shtator, në Champions League. Ndërsa golin e fundit në kampionat e ka realizuar më 15 shtator. Kylian Mbappe kthehet në një çështje për PSG, teksa sulmuesi francez nuk realizoi as dje, për të katërtën ndeshje radhazi. Gjithsesi, trajneri Luis Enrique mbron talentin 24-vjeçar dhe paraqitjen e tij.
“Kilian nuk ka realizuar gol, por po luan në nivele të larta që nga fillimi i sezonit. Ka bërë gjëra shumë të mirë, ka krijuar mjaft raste për gol. Është e vërtetë që është disi e çuditshme kur sheh se Mbappe nuk realizon gol, por kjo është thjesht statistikë. Mos harroni se çfarë i sjell skuadrës me praninë e tij në fushë, në sulm dhe në mbrojtje”, tha trajneri i PSZH-së, Luis Enrike.