Nuk ka pothuajse asnjë ndërtesë në periferi të Beit Hanounit afër kufirit që nuk është goditur
Sulmet e nisura nga Izraeli në Rripin e bllokuar të Gazës më 7 tetor vazhdojnë të intensifikohen, raporton Anadolu.
Vendi më i shënjestruar nga ushtria izraelite, e cila hedh bomba në çdo pjesë të Gazës në mënyrë joselektive, është lagjja Beit Hanoun në veri.
Ushtria izraelite ka 24 ditë që bombardon Rripin e Gazës, ku jetojnë rreth 2,3 milionë palestinezë.
Sulmet e ushtrisë izraelite, e cila ka goditur Gazën nga ajri, toka dhe deti, janë veçanërisht të përqendruara në veri të rajonit.
Lagjja Beit Hanoun, e vendosur në veri të Gazës dhe në rajonin kufitar, është fokusi i sulmeve.
Beit Hanoun, e cila i është nënshtruar sulmeve intensive ajrore nga ushtria izraelite, është shënjestruar me zjarr tankesh dhe obusi ditët e fundit.
Nuk ka pothuajse asnjë ndërtesë në periferi të Beit Hanounit afër kufirit që nuk është goditur.
Dëmet e mëdha të ndërtesave për shkak të sulmeve mund të shihen qartë edhe nga qyteti izraelit Sderot, i vendosur në kufirin e Gazës.
Skajet e Beit Hanounit, ku ndodhën shkatërrime të mëdha, janë kthyer në gërmadha.
Ditët e fundit, ushtria izraelite i ka përqendruar sulmet e saj në veri të Gazës kryesisht në zonat e brendshme, sepse duket se nuk ka mbetur pothuajse asnjë vend në skajet që nuk është goditur.