E papritur, Roberto Mançini jep dorëheqjen tek Italia

1 min read


Roberto Mançini ka dhënë dorëheqjen nga posti i trajnerit të kombëtares italiane! Post që e mbante prej 14 majit të vitit 2018. Një lajm që i ka kapur të gjithë të papërgatitur, pasi 58-vjeçari kishte kontratë me 4 herë kampionët e botës deri në 2026. Ish-sulmuesi i njohur, udhëhoqi kombëtaren e kaltër drejt fitimit të Euro 2020. Sukses që erdhi me një grup lojtarësh jo shumë të fortë, por mbi të gjitha falë një futbolli modern dhe të bukur.

Ndërkohë që momenti më i errët ishte dështimi për t’u kualifikuar në Kupën e Botës Katar 2022. I dyti Botëror radhazi ku Italia nuk mori pjesë. Pikërisht një vit përpara Euro 2024, që do të organizohet verën e ardhshme në Gjermani, Mancini ka dhënë dorëheqjen e parevokueshme. Aventura tek Italia mbyllet me 61 ndeshje.

Mançini ka një eksperiencë të madhe, pasi ka fituar trofe si trajner me skuadra si Inter, Lazio, Fiorentina, Man. Siti apo Gallatasaraj. Shtypi italian shkruan se pas këtij vendimi qëndrojnë divergjencat me drejtuesit e futbollit italian. Por nuk përjashtohet mundësia e ndonjë oferte të çmendur nga Arabia.

Leave a Reply

Your email address will not be published.