Pas dëmtimit të rëndë të Tibo Kurtua-s në fillim të kësaj jave, Real Madridi ka qenë në treg për të zgjedhur një zëvendësues të portierit të parë, me Andrij Lunin, i cili nuk preferohet si zgjedhje e parë nga Karlo Ançelotti dhe stafi i tij stërvitor
Janë lidhur disa emra, me më të spikaturit David De Gea dhe Jasine Bunua. Ky i fundit ka qenë i preferuari i stafit të Real Madridit, por tashmë duket se asnjëri nuk do t’i bashkohet. Sipas gazetës “Marca”, Kepa Arrizabalaga i Çellsit është afër transferimit në huazim për një sezon.
28-vjeçari nuk është më numri 1 në skuadrën angleze pas ardhjes së spanjollit tjetër Robert Sançezit dhe ai tani mund të bëjë lëvizjen te “Los Blancos”. Kepa ka qenë në bisedime për t’u bashkuar me Bajern Munihun, edhe pse një kalim te Real Madridit tani duket të jetë më afër.
Një marrëveshje huazimi njëvjeçare ka shumë kuptim, duke pasur parasysh se Kurtua do të ruajë vendin e tij si numri 1 pas kthimit nga lëndimi, por nëse ish-portieri i Athletik Billbaos është zgjidhja më e mirë mbetet për t’u pare.