Subscribe
Jonid Gjoka i Partizanit dhe Olsian Velia i Tiranës janë fituesit e etapës së parë të kupës së Shqipërisë në çiklizëm, etapë që për kadetët ishte e gjatë 54.6 km, me nisje në Piskupat të Pogradecit e finish në Korçë.
Ndërkohë për çiklistët e elitës gara ka nisur në të njëjtin vend, por ka vijuar deri në Bilisht e më pas drejt qytetit më të madh në juglindje.
Çiklistët Jonid Gjoka dhe Olsia Velia vlerësuan konkurrencën si dhe punën në grup.
JONID GJOKA-ÇIKLIST
Bëmë një shkëputje malore dhe aty e kthyem garën që erdhëm në finish fitues.
OLSIAN VELIA- ÇIKLIST
Ishte garë e fortë por kemi punuar shumë për këtë ditrë, duam të fitojmë kampionatin ballkanik tani
Presidenti i Federatës së Çiklizmit Skënder Anxhaku tha se përveç përpjekjes së federatës duhet edhe mbështetja e qeverisë dhe pushtetit lokal, pasi sportit i çiklizmit ka kosto të lartë.
SKËNDER ANXHAKU
PRESIDENTI I FEDERATËS SË ÇIKLIZMIT
Nuk duhet lënë situata në këtë gjendje, duhet mbështetur ekipi ashtu siç ndodh me ekipet e tjera.
Në ditën e dytë dhe të fundit çiklistët e Elitës garojnë në trajektoren Korçë – Bilisht – Mali i Thatë – Korçë.