Skuadra e Real Madridit triumfoi 2-1 ndaj Real Sosiedadit, duke rimarrë vendin e parë në La Liga. Pesë ndeshje dhe 15 pikë të plota për skuadrën e Karlo Ançelottit, që regjistroi një tjetër sukses me përmbysje në kryeqytet.
Pjesa e parë u mbyll me avantazhin e ekipit bask, që gjeti shpejt golin me anë të Ander Barrenetxea. Gjithsesi, Reali reagoi në të dytën. Dhe siguroi tri pikë fantastike falë golave të Federiko Valverdes dhe Hoselu-t. Lojtari më i mirë i ndeshjes ishte Fran Garsia, autori i dy asisteve për vendasit.