Julian Nagelsman do të drejtojë kombëtaren e Gjermanisë në “Euro 2024”, pasi u emërua trajneri i ri i kombëtares, pas largimit të Hansi Flikut. Nagelsmann është konfirmuar nga Federata Gjermane e Futbollit si trajneri i ri i Gjermanisë. Ish-trajneri i Bajern Munihut ka nënshkruar një kontratë që zgjat deri në fund të korrikut 2024. Sandro Vagner dhe Benjamin Gluk do të punojnë si ndihmës të tij me kombëtaren.
“Julian Nagelsmann do të drejtojë ekipin kombëtar të Gjermanisë në Kampionatin Evropian vitin e ardhshëm. Trajneri 36-vjeçar nënshkroi një kontratë në kampusin e DFB në Frankfurt am Main deri më 31 korrik 2024”, thuhet në njoftim.
Emerimi si trajner i kombëtares së Gjermanisë e ka lumturuar Nagelsmanin, e cili e ka cilësuar si diçka të veçantë.
“Ne kemi një kampionat evropian në vendin tonë. Kjo është diçka e veçantë – diçka që ndodh çdo disa dekada. Unë i nënshtrohem çdo gjë faktit të të pasurit një turne të madh në një vend të madh. Unë kam një dëshirë të madhe për të marrë përsipër këtë sfidë. Paraqitja në Dortmund ishte fillimi. Ne do të jemi një grup i lidhur ngushtë vitin e ardhshëm”, ka thënë Nagelsman.