“Është e gabuar të thuhet se inteligjenca artificiale nuk mund të jetë më e zgjuar se njerëzit, sepse është krijuar nga njerëzit. “Ajo tani mëson vetë, stërvitet vetë dhe nxjerr përfundimet e saj, ashtu si njerëzit,” theksoi Son, raporton CNN.
Duke folur në konferencën e korporatës SoftBank World, ai parashikoi se në të ardhmen AGI do të jetë dhjetë herë më inteligjente se shuma e gjithë inteligjencës njerëzore.
Son ka folur më parë për potencialin e AGI, duke përdorur zakonisht termin “singularitet”, për të transformuar biznesin dhe shoqërinë, por kjo është hera e parë që ai jep një afat kohor për zhvillimin e inteligjencës artificiale.
CEO i SoftBank është i prirur të bëjë pretendime radikale në lidhje me ndikimin transformues të teknologjive të reja. Parashikimet e tij për internetin celular janë realizuar kryesisht, ndërsa ato për Internetin e Gjërave (IoT) jo.
Sipas portalit Tech Target, inteligjenca e përgjithshme artificiale (AGI) është një lloj inteligjence artificiale e krijuar për të kryer çdo detyrë intelektuale që një njeri mund të kryejë. AGI gjithashtu mund të gjejë një zgjidhje më vete kur përballet me një detyrë të panjohur.