Kryeministri Dimitar Kovaçevski, euroambasadori Dejvid Gir dhe Zëvendëskryeministri për Çështje Evropiane, Bojan Maiçiq sot, kanë realizuar vizitë në kompaninë “Vivaks”.
“Në Maqedoninë e Veriut ka histori suksesi, si “Vivaks”, e cila falë entuziazmit, ideve inovative dhe investimet në modernizimin e prodhimit, sot përveç lëngjeve, ka zgjeruar spektrin e saj të produkteve me lloje të reja të përpunimit të frutave, të cilët prodhohen si markë unike e Maqedonisë”, theksoi kryeministri Kovaçevski në fjalimin e tij në këtë ngjarje.
Ai tha se sot vendi është lider në shfrytëzimin e fondeve IPARD, me shfrytëzim 98 për qind.
Shtoi se ne jemi edhe vendi i parë në rajon i cili është gati të fillojë me programin IPARD 3, me të cilën do të ofrohet më shumë zona për mbështetje, por edhe paradhënie për idetë e propozuara të biznesit.
Zëvendëskryeministri për Çështje Evropiane, Bojan Mariçiq, tha se rezultatet janë të dukshme që me mbështetjen e këtij programi evropian, përmes investimeve në pajisje, përpunimi, makineri dhe pajisje, sektori i përpunimit merr mundësinë për të filluar ose përmirësuar një biznes ekzistues, siç është edhe kompania “Vivaks”.
“Konkretisht me programin IPARD, fermerët e Maqedonisë, ekonomia dhe institucionet kanë mbështetje të madhe nga partnerët evropianë. Dhe atë duhet ta përdorim dhe të investojmë më shumë, të bëhemi më të pavarur dhe të vetëqëndrueshëm në aspektin e ushqimit, energjisë dhe zhvillimit ekonomik”, tha Mariçiq.
Eurokomisioneri Dejvid Gir theksoi se “Vivaks” është ende një shembull për atë se si BE-ja ndihmon të bëhet ndryshim këtu, në Maqedoninë e Veriut.
Ai theksoi se Maqedonia e Veriut është vend udhëheqës në rajon në shfrytëzimin e fondeve IPARD. Ai tha se deri më tani BE-ja ka siguruar diku 223 milionë euro në kuadër të programit IPARD dhe së fundmi ka rritur mbështetjen përmes një programi të ri IPARD me vlerë 97 milionë euro.
BE-ja i siguron këto fonde të gjitha për të ndihmuar fermerët dhe vetë prodhuesit e ushqimit të rriten dhe modernizohen, tha Gir, dhe siç tha, të bëhet më konkurrues në tregun unik të BE-së, i cili është tregu më i suksesshëm në botë.