Pritje deri në dy orë në Merdar për të dalë nga Kosova, kjo është gjendja në pikat tjera kufitare

Në vendkalimin kufitar Merdar po vazhdon të ketë kolona të gjata edhe gjatë ditës së sotme.

Të dhënat e fundit të publikuara nga Qendra Kombëtare për Menaxhim Kufitar, bëjnë të ditur se kolonat në dalje të Merdares arrijnë deri 600 metra, pritja për të dalë nga Kosova është deri në dy orë.

Kolona janë krijuar edhe në dalje të pikës kufitare Dheu i Bardhë, të cilat janë deri 300 metra, pritja e qytetarëve në këtë pikë është 60 minuta.

Po ashtu, kolonat tjera raportohet se janë kryesisht më të lira, derisa hyrja në Kosovë mund të bëhet nga tre deri në 5 minuta.